asekka.net

Tasekra

Wed, 06 Jun 2007 19:20:00 +0200

TASEKRA:

Rebbi ṭṭef-i baba memmi!
Ad ig amγar ad ittenbaḍ
Am lɛamel a baba memmi!
Ddiγ yad ar agwemmaḍ
Γes anẓar ayed i-d-iruran

Dihya

Sun, 03 Jun 2007 02:30:00 +0200

Dihya :

Isem-nnes s tidet Zehra ΣISAWI maca tettwassen s Diyha nna tuklal. Tlula g teγremt n Taγit taman n Tγanimin g unẓul n Wawras g Dzayer.
Tercel yiwen umeẓẓawan amaziγ ameqwran, isem-nnes Mesɛud NEJJAḤI igan amedyaz.
Ssekren yat tyuga tametrirt d-yurwen yitsent twuriwin tinaẓarin timeγlalin: Mimek ittegga umessγed ad ittu tizlatin zund Kker-d! Kker-d! neγ Yugerten neγ Memmi neγ Lal uxelxal?
Tessken-d tezlit tamaziγt tamaynut n Wawras tafessi-nnes d tihhugra-nnes meqqar d-beddan datas imiriyen isertanen, izdey γef yinaẓuren-nnes userfufen d uẓmay. Aserhu ayd rnan, i tmurt n Dihya tanazbayt, igerḍawen imaṭfaten amm win Dihya d Markunda d Salim TAZIRI d Yitran d Masinisa d Naṣer NEẒẒAR d Σmiruc.
Meqqar tedder Dihya g Pari tezdey irir n Wawras-nnes iẓilen s tufa ad tseγlel tutlayt-nnes tamaziγt.
Ar awen-tsumur teγlamt Asekka.net yitsen yiḍrisen ittyariren s ugerḍ n wureγ n Wawras.

Dihya..

De son vrai nom Zohra AISSAWI, Dihya est né au village Taghit près de Tighanimine au Sud des Aurès en Algérie.
Mariée à un grand musicien et poète amazigh, Messaoud NEDJAHI, ils ont composé un couple merveilleux qui a enfanté des œuvres artistiques éternelles : comment l’auditeur oubliera-t-il des chansons comme Kker-d !Kker-d !, Youguerthen, Memmi ou Lal oukhelkhal ?
La nouvelle chanson amazighe des Aurès, malgré les blocages politiques et l’oppression des artistes, a démontré sa vivacité et sa noblesse. Avec des voix splendides comme celle de Dihya, Markunda, Salim TAZIRI, Ithrane, Massinissa, Nacer NEZZAR et Amirrouche, le pays de Dihya la guerrière résistante se retrouve honoré par ses artistes.
Dihya, bien que vivant à Paris, continue à chanter son Aurès et perennise sa langue amazighe.
L’équipe Asekka.net vous propose quelques textes chantés par cette voix d’or des Aurès.

YUGERTEN

Ass-innat urjiγ ibedd-d fella,
Ibedd-d fella urgaz d ameqran,
Inn’ ay: Ay illi kker bedd fellam,
Tesfawed ayetmam deg usallas n yiḍ!
In’ yasen assa ibedd-d fella…
Yugerten !

Inn’ ay: Ay illi, ḍiqeγ f tmurt-inu!
Tamurt-inu tamurt Umaziγ,
Cal-nnes iswa imeṭṭawen-inu;
Nyes a y uzzleγ werni n tedma
Laγ’ ayetmam in’ asen ẓriγ…
Yugerten!

Irfed afer n uɛlaw-nnes,
Ikkes-d zmam, zmam d ameqran,
Inn’ ay ax-nn-it a t-ẓren ayetmam!
W ad ssnen tanfust n tarwa Umaziγ,
In’ asen: Ay illi, taggi d tanfust…
n Yugerten!

Iwaliwen n Mesɛud NEJJAḤI.

AQBAYLI .
(RUḤ A SIDI RUḤ)

Di Lewras, iga uletmas,
Deg usallas tettnaras;
Yuli wass, ikker fell-as
Ibeɛd-as, tessiwel tenn’as:

Ruḥ a sidi ruḥ !
Ruḥ a sidi ruḥ !

Aqbayli ig ittrun, Sliγ awal-ik,
Nniγ-ak d acu ig illan ?
Tennid-ay-d asefru;
Afus-ik deg ufus-iw, ad aliγ adrar-ik
Agu ires-d f tmurt-iw,
Kkes-it kečini a igma!

Di Lewras, iga uletmas,
Imda wass, yufa umas.
Yuli wass, irfed arkas,
Yut’ sallas, iḍṣa inn’ as:

Ruḥ a sidi ruḥ !
Ruḥ a sidi ruḥ!

Aqbayli ig icnun,
Tuγac-ik meɛnent aṭṭas;
Aẓar-ik d uẓar-iw
Mγan-d seg yiwen wakal,
Arraw-ik d warraw-iw
Ad d-sekkren yiwen ugdud,
Hay’ a nelḥu w a nmuqel
Ani tella tilelli-nneγ.

Iwaliwen n Dihya.

KKER-D ! KKER-D !

Kker-d ! Kker-d ay illi!
Ad d-nawi tilelli!
Idammen uzzlen deg ucal,
Idurar dim ttṛajan.

Aseggwas urni useggwas,
Idles-nneγ ibga labas;
Ternid-as iḍ d wass
Si nessusem ur nlaγi fell-as.

Aqbayli ssun ittlaγa,
Cawi ssay a s-yuɛa;
Bḍan ibawen, bḍan ulawen,
Ttun iẓuran i γen-ittlaγan.

Sallas igger-d afer,
Ur γen-iǧi a nẓer tfukt.
Tamurt tuta afer,
Waggi d amur n tmeddurt.
Ay udan! Mani tuɛam ?
Si melmi tweɛɛam iqelman ?
Memmitwen iss tsetḥam,
Mammek i tsessem assa aman?

iwaliwen n Mesɛud NEJJAḤI

TAQECCABIT

Mamma! Mamma! In’ ay matta ?
Matta tẓeṭṭeḍ? Matta tẓeṭṭeḍ?

Ẓeṭṭeγ … ẓeṭṭeγ i memmi
Taqeccabit i tmetna,
Taqeccabit i udfel,
Taqeccabit tamellalt
Mm zzigat tiberkanin.

Mamma ! Mamma ! In’ ay matta ?
Matta tẓeṭṭeḍ? Matta tzeṭṭeḍ?

Ẓeṭṭeγ … ẓeṭṭeγ i memmi
Taqeccabit uṣemmiḍ,
Taqeccabit i tejrest,
Taqeccabit i tmeddurt,
Ass n tyedrin deg unebdu.

Mamma ! Mamma ! In’ ay matta ?
Matta tẓeṭṭeḍ? Matta tẓeṭṭeḍ?

Ẓeṭṭeγ … ẓeṭṭeγ i memmi
Taqeccabit n uchal,
Taqeccabit n tmeγra,
Taqeccabit ugellid
Ixsen ad iṭṭef abrid.

Iwaliwen n Mesɛud NEJJAḤI.

Idir

Sun, 03 Jun 2007 02:30:00 +0200

Yidir :
Matta wenna ur ittyawin s ugelladus n wanya n Baba Inuba ? Tizlit s ur sar ittwattu Yidir.
Ilula Yidir, ittwassen s yisem-a ugar n yisem-nnes n tidet, igan Ḥamid CERYET g 1949 g teγremt n Ayt Leḥsen g Ayt Yenni g tmurt n Igawawen, agafa n Dzayer.
S taduyt as illa ukeccum-nnes γer wurti n tezlit iddeγ yumeẓ adγar n yiwet n tmarirt nna mi ikka issudes yiwen uzuzen; tba acku tuḍen. Seg tikkitin-nnes mmezdaynin g usaḍrer, ar t-sebγasen imessudas n tmeddiwin iddeγ ukzen diges yiwen imezzli ilan imal.
Asduy wiss sin iga-t uzerruy-nnes g tiliẓri, isdey diges yu-nnes issefliden i memmis g usaḍrer maca ur tessin idd netta allig t-teẓra g tiliẓri.
Tedduqqes acku ur as-terti i yiwis ad yaγul d amarir. Maca, ittyawey Yidir, yuwi-t uẓawan mγar ur izdi i tezrawin-nnes.
Issaweḍ-nn Yidir Ameqwran tizlit tamaziγt i tizi g tettwassen g umaḍal; aya ifka-t-id unada nna ittegga g uẓawan d ufran nna g ifren timedyazin n umedyaz amaziγ axatar Ben Muḥemmed ( Ben Ḥamaduc Med ).
Anza n wawal illa g ugulu n tezlit n Baba Inuba ad tettwasuγel γer mennawt n tutlayin tettyarir issent.
Kigan n iseggwasen ayd imahel Yidir, maca tafarest-nnes tedrus tili azal. Ittunefk-as Yitwil n wureγ γef yitwil-nnes identités ( Tamusin).
I usissen s yitri-ddeγ amaziγ ittidiren g Fransa, da tsumur teγlamt Asekka.net yitsen yiḍrisen yarir Yidir ad ttwaγren.
Taγuri iγudan!

Idir:

Qui n’a pas été pris dans le tourbillon mélodieux d' A vava Inouva ? C’est la chanson qui ne fera jamais oublier Idir.
Idir, plus connu que Hamid CHERIET, est né en 1949 au village Aït Lahcen Aït Yanni en haute kabylie au Nord de l’Algérie.
Son entrée à la chanson est arrivée par surprise en remplaçant en 1973 une chanteuse (pour qui il avait composé une berceuse) absente en raison de sa maladie. Pendant ses incessants passages à la radio, il a été encouragé par les organisateurs de soirées qui ont découvert en lui une vedette prometteuse. La deuxième surprise était son apparition à la télé; sa mère l’admirait sans savoir que c’était son fils lorsqu’elle le découvrit elle était choquée car elle ne souhaitait pas que son fils devienne chanteur; mais Idir était emporté par la musique sans lâcher ses études. Il est devenu ingénieur géologue. Grâce à ses recherches musicales et son choix pour des textes du grand poète amazigh Ben Mohamed (Ben Hamaddouche Med), le grand Idir a réussi à donner à la chanson amazighe une renommée mondiale. La preuve est que A vava Inouva a été traduite et chantée en plusieurs langues.
La production d'Idir est plutôt de qualité; il en a été récompensé en recevant le Disque d’or pour son album Identités.
En reconnaissance à cette étoile amazighe qui vit en France, l’équipe Asekka.net propose à lire ces quelques textes chantés par Idir.

AD D-NUΓAL

Mači d at tindar agi
Aγ-iṣubben azal!
Njerreb abrid n ctawi
S tɛebga n temsal
Nbedd-as i tdukli ifeclen
Nrebba-yas-d ifadden,
Yufa-ten-id uɛdaw iṣḍen:
Mi ikker ad yuγal!

Ass mi tennekwbal Tmurt
S tugdi n wuzzal,
Arrac seǧuǧgen tafsut
Rẓan-as ackal;
Necfa i Tutlayt-nni
Mi ggulen degs ur tuli,
Mi nebda nenjer-as iswi
Azekka a nuγal.

Necfa i tmaziγt-nni
Mi ggulen degs ur t-neγri,
I lebda nenjer-as iswi
Aqel-aγ a nuγal!

Iwaliwen n Lunis MEΣTUB
Tizlit yarir Yidir.

AMEDYAZ

Allen-iw ger yitran
Ttnadint igenwan,
Wissen anda telliḍ !
Tiziri iḍwan
Tessard iẓekwan,
Wis m' aγ-d-twali !
Negwra-d d imeγban,
Mi γ-ikellex zzman,
Gguǧlen wussan :
Inγa-ten uṣemmiḍ.
Anw' i das-innan
Lefraq i sɛeddan
La ittru umkan-nni
I deg tettγimiḍ.

Anda i k-rran ?
Anda i k-d-ǧan ?
Wissen anwa i d itri
I deg i tettiliḍ!
Nsawel i yal amkan,
Ur neẓri anida tensiḍ.

Tawrirt n Mimun
Anda fell-ak run,
Dinna i d-tettennerni
Sennig lkanun;
Lefnar ittargun
I tmenḍart sliγ.

Ayen i γ-d-ḥekkun
Imγaren issefrun
D agwni ittwattun
Dinna i ten-turiḍ.
Ad fell-ak cfun,
Ulamek ar k-ttun,
Ulamek ar k-mḥun,
Γas ulac-ik telliḍ!

Tura d imeγban,
Imi γ-ikellex zzman,
Gguǧlen wussan
Inγa-ten usemmiḍ
Anwa i das-innan
Lefraq i sɛeddan
La ittru umkan-nni
I deg i tettγimiḍ.

Tizlit yarir Yidir.

ΓURI TIJEMMUΣA

Γuri tijemmuɛa
D lweḥc-nni aberrkan,
G mi ḍerrfeγ iman-iw
Armi i ffγeγ iberdan,
Lγaci qqaren-iyi-d:
Ayen akka weḥd-k kan?
Γas kkes γef wul-ik
Ini-d d acu i k-irḥan !

Ur bγiγ ara ad iniγ,
Ur ḥtaǧeγ ara cciɛa,
Ur bγiγ ad feḍḥeγ
Sser n ta akw d wa,
Ur ttkalet felli!
Kkiγ-d seg at lbeḍna,
Ur qqazeγ ara aẓekka-w
S yiles-iw a lγiḍa!

A wen-iniγ
A leγwayeḍ:
Wi ẓemmren
A ur das-taweḍ!

A wen-iniγ
Ah ya leγwayeḍ:
Ma ẓemmreγ
A ur di-taweḍ!

A w' ibγan ad isel
Ayen i teẓra tiṭ-iw!
A w' ibγan ad iẓer
Ayen i isla umeẓẓuγ-iw!
Ad iruḥ ad injer
Ajewwaq deg uγanim;
Nek xḍiγ i uẓemmer,
Xḍiγ i ṭṭbel n uglim.

Ẓriγ ad tennejmaɛem
M' ara d-teffeγ taγect-a,
Ẓriγ daγen ad trefdem
Iqerdacen s aẓeṭṭa.
Ur ttnadit degs
Ayen ur nelli ara!
Ulac d acu ara ffreγ,
Ur heḍḍreγ di rray-a.

Skud mazal-iyi,
Tesɛa ṣṣut taγect-iw,
Ad kemmleγ akkagi
Weḥdi kan deg ubrid-iw.

Ad cennuγ tirga-inu
D tmucuha-nni n temẓi-w.
Asmi ara teɛyum degsent
Ad sersaγ tagiṭart-iw.

A wen-iniγ
A leγwayeḍ:
Wi itthuddun
Ur das-tettaweḍ!

A wen-iniγ
Ah ya leγwayeḍ:
Win ibennun
Ar das-taweḍ!

Tizlit yarir Yidir.

IZUMAL

A d izumal
S leqyud d tekwmamin !
Di yal tamurt
Gezmen-asen awal
Mi d-nnan tiquranin.
A d izumal
Ṣebren uysen
Ṣebren, tiyita tewweḍ iγes,
Liḥala tmal
Tegla yissen;
Walan tafat mi tselles,
Times tuγal
Tiremt-nsen;
Tiγri tecced i yiles.
A d izumal,
Nesla-yawen,
Nesla mi yawen-gren snasel.
Iwet uḥemmal,
La d-issekfal lemkwaḥel.
Ikfa wawal,
Raḥen idammen,
Urrif di rṣas la ifettel.

Iwaliwen n Ben Muḥemmed
Tizlit yarir Yidir.

SNITRA

Ah ya snitra izedγen temẓi-w,
Cnu-yi m' ad ikkes lxiq !
Smekti-d aḍu n udrar
Γef asmi nerra lfen d arfiq,
Γef asmi nettqabal ussan
S ujeǧig akw d ucewwiq,
Nettarra ṣṣerf i wurfan
S ṣṣut-im uḥdiq.

Ah ya snitra izedγen temẓi-w,
Σawen-iyi deg yimeṭṭawen !
Nek ad ten-ruγ d imeṭṭi,
Ma d kem lexyuḍ-im γezzifen.
Ard nsiwel i ubeḥri n udrar,
Ad ten-izuzzer d icewwiqen,
Ad ten-izzi meṛṛa f tuddar
Akken ad asen-slen !

Ay afrux n snitra-w γenni !
Σawen-iyi deg yimeṭṭawen!
Nek ad ten-ruγ d ccnawi,
Keč huzz afriwen !

Cnu ay afrux ! Cnu !
Huzz afriwen-ik deg yigenni!
Serreḥ i ucewwiq d usefru!
Cnu akken ad nemmekti!
Ay afrux n snitra-w γenni!
Σawen-iyi deg yimeṭṭawen!

Tizlit yarir Yidir.

TIZI-OUZOU (SAN FRANCISCO)

C’est une maison bleue
Adossée à la colline,
On y vient à pied,
On n’y frappe pas;
Ceux qui vivent là
Ont jeté la clef.

Win izgern i tewwurt
Iqqim iḍwer i uḍebsi,
S lbenna n tmurt
Tasebba n tikti
Unadi tsarut
N waggur d yitri.

Tizi-Ouzou élève des enfants fous de rêve.
Tizi Uzzu, anda teddiḍ ?
Anda-t rbeḥ
Tettmenniḍ i warraw-im ?

D Aseqqif n ṭmana
D aqdim nga-yas leqrar,
Nettẓuru-t af uḍar
Am unebgi am uɛeṭṭar ;
Wid i t-izedγen ḍeggren tisura.

Peuplée de cheveux longs,
De grands lits et de musiques;
Peuplée de lumière et peuplée de fous,
La maison berbère mazal-itt debout.

Tizi-Ouzou se lève
Allant au bout de ses rêves,
Tizi Uzzu anda teddiḍ ?
Anda-t nnif tettmenniḍ i warawim?

Di Tewrirt Musa,
I ilul uqcic d amencuf,
Ayen din idda
Deg ucruf γer ucruf
Ur yufi lehna,
Ur issin lxuf.

Di Tewrirt Musa
Inder urgaz n Tefsut.
Ayen fi icna
D ayen fi immut
isem-is Tamazγa,
D lmut ma nettu-t !

Tizi-Ouzou se lève, dans ses collines s'achève
Le rêve des fous, qui veulent de nous
Que l’on oublie…..
Tizi…Tizi-Ouzou!

Tizlit yarir Yidir.

ADRAR

Lemmer heḍḍren idurar
Tili a γ-d-inin
Ayen cfan,
Ayen illan di lesrar
D wayen i γ-ffren wussan.
A γ-d-inin, ard inin
A γ-d-inin af ayen iɛeddan.

Ay adrar-nneγ aɛlayan,
A win iṣebren i zzman !
Tiγaltin-ik s ideflawen
Irnan tafat i yitran.
Ini-d ! ini-d ma d sγurek i d-nefruri ?
Ini-d ! ini-d ! γas ini-d !
Nebγ' a nẓer d acu illan.

Ay adrar-nneγ aɛlayan,
Nebγa ad aγ-d-tinid
Ayen ur neẓri !
Ayen ḥkan d wayen nnan,
Mkul wa amek ara d-yini.
Γas ini-d, ma d arraw-ik
Neγ wissen ma neγli-d seg igenni ?!

Ini-d ! ini-d ma sγurek i d-nefruri ?
Ini-d! ini-d! nebγ' a nẓer d acu illan.

Tizlit yarir Yidir.

BΓAN WARRAC

A wid i γ-iḥekmen,
Yewweḍ-d lawan ad truḥem,
Ad thenni tmurt segwen,
Ulac w' ara kwen-irun!
Ulawen-nneγ čuren,
Neṛwa akwessar d usawen,
Nebγa ad nettu udmawen-nwen;
Tura, kkert ad telḥum!

Bγan warrac a kwen-ttun!

Tettakwrem irna trennum,
Tečam teṛwam tessagrem,
Iddukel umcum d umcum,
D idammen deg yifassen-nwen.
Ma d tura, kkert ad telḥum!
D nnuba n wid meẓẓiyen.
Bγan warrac a kwen-ttun!

Tafsut neγ d anebdu,
Theḍḍrem, nekwni nettargu.
Tennam Ledzayer ad tt-neḥyu,
Ad tban tafat-nwen!
Arrac bγan zzhu,
Bγan ccna d usefru,
Ayen ilhan ad innulfu,
Ad iḥlu wul-nsen.

Bγan warrac ad zhun!

Neḥḍer mi tɛeddam tilas,
D ayen ur iqbil yiwen,
Nebγa ad as-nefk i zzhu nnuba-s:
Ad nefreḥ, medden ad ferḥen.
Am tezyiwin di lejnas
Anda tcudd ad tessγersem.
Bγan warrac ad zhun...

Tizlit yarir Yidir.

MEMMI

A tiṭ-iw zuzzer lehna fellas!
Ad imγur ad icbu tanda-s;
Ad tt-iḥerz ad tt-iṣun
Ad tt-iḥud ad tt-iḥun
Ad yili ger watmas!
Γas ma nerr-ak lemleḥ s uyeffus,
Taftilt-ik, a mmi, lebda, ur tettnus,
Tazmart-ik d afus-ik
Ara i k-issiwḍen γer lebγi-k!

Memmi, a memmi!
D lfeṭṭa ireqqen,
Taḍṣa γef yimi
D dheb γef allen!

Γas ma nerr-ak lemleḥ
S uẓelmaḍ
Yir tiṭ ad truḥ akkin
S agwemmaḍ.
Lemleḥ teṭṭerḍeq,
Yir tiṭ tγerreq,
Γerreb neγ cerreq!
Memmi d sser n dunnit,
Memmi ad immeslay s teqbaylit:
Ad tt-icnu, ad tt-icḍeḥ,
Ad tt-yaru, ad tt-icbeḥ.

At aya mmi !
Simmal ittnerni;
Ad yuγal seg wid
Ikkaten uzzal,
Ad t-ḥemlen medden,
Ad yili d argaz n wawal!
Ay aggur!
S tafat-ik ara isbur;
Ay itri!
Mel-as abrid ilhan
A t-yawi!

Memmi d sser n dunnit,
Memmi ad immeslay s teqbaylit
Ad tt-icnu, ad tt-icḍeḥ,
Ad tt-yaru ad tt-icbeḥ.

Memmi a memmi!
A leḥrir deg ifassen!
Taḍṣa γef yimi,
D dheb γef allen!
Memmi a memmi!
Lewqama deg ifassen
Taḍṣa γef yimi
D dheb γef allen!

Tizlit yarir Yidir.

SSENDU !

Ssendu ! Ssendu !
Efk-aγ-d udi d amellal !
Ssendu ! Ssendu
Akken a nečar abuqqal.
Ndu, ndu, ay iγi !
Efk-d tawaract n wudi
Akken i tt-nettmenni!
Taxsayt i ḥazen ifassen,
D kem ay sɛiγ d lbaḍna ;
Ulamma laẓ ittwassen
D lḥif izzuzen-it ccna.
Nuẓa-d γurem a nessendu,
taxsayt-iw teγra i lhu.
Iγi ad indu ifru
S lfeḍl-ik a baba-inu !
A taxsayt meqqar kemmi
Tesliḍ i wul mi icehheq,
Ṣṣber yuγal d tannumi,
Ẓẓay wawal i lmenṭeq.
Taxsayt-iw tettebruqul
Ad aγ-tefk udi mellul
Akkenni i ibγa wul.
A taxsayt, berka tura!
Nuẓa-d γurem ad nesmerkel.
Taxsayt, berka tura!
La ttwaliγ qrib d azal
Γurem i d-rriγ tuttra,
Bγiγ-kem ad terreḍ azal;
Ssenduγ s ufus n lqis,
Udi yufrar isḥerqis.
kkseγ-d aɛber d nnefṣ-is
I temγart d warraw-is.

Tizlit yarir Yidir.

Ajedjig

Ah igma ujeǧig di lefjer,
Icreq yiṭij f ṣṣifa-s.
Ayγar γas yiwen wass kan ay idder ?
Cfan akw medden fellas.
Ur issin meskin umger
Arm' ikcem γer yiger
Igzem-it di tnaṣfa-s;
Γas immut mači inger
Azekka ar ad ikker gmas.

Teẓram acḥal d ajeǧig imγin
D twejda yulin
Asmi iwweḍ uḥemmal ;
Nufa ziγ kra ibedden ittmal.

Ur nuki mi iwet lebreq
Ters-d tafat seg yigenni,
Inhez udrar itterḍeq,
S zzhir ur γ-iban ansi
d ajeǧig iγab
Iɛreq dayen iruh,̣
A w' iẓran s ani !?
Ah refden-t iṣeggaden n tafat,
Wid izedγen akken i waggur;
D imnayen d at umzur iddal tuyat,
D lebreq seg ufus la ileḥḥu;
Fkan-t i waggur bu lmeryat ger yitran irra-t
Gar-asen ad idhu.
La ireq, deg yigenni nwala-t,
Meskin yugad a t-nettu.

Itran uran isem-is di tegnawt,
Ayen ur izmir ḥed a t-imḥu!
Ma twalam itri-w mi tzad tafat,
Ẓert-d ihda'γ-id asefru.
Ma twalam itri-w mi tzad tafat
Cfut ihda'γ-id asefru!

Tizlit yarir Yidir.

CTEDDUYI

Kker-d a memmi!
Amγar icab d ayenni,
La iqqar : Ctedduyi! Ctedduyi! Ctedduyi !

Tmurt-nneγ ar d-tcetki,
Xerben-as imeslayen.
Mebla ma kesbeγ igenni,
Anda llan wid ittlalen
Ad ḥarben felli
Ur d-ttkalen γef babatsen.

Tizlit yarir Yidir.

ISEFRA

A nekker ar nebdu ccekran,
A necker kra da.
Kečin a bab n tmeγra
A mmis n tninna!
Yissek i neddhent tezyiwin
Di tizi lγiba.

A leḥḥuγ luḍa luḍa,
Iǧuǧeg umezzir,
Atnan ɛeddan yimnayen
S rrekba n zzhir.
Ay uzyin serrej aɛudiw!
Zwir ay itbir!

A timeḥremt n leḥrir
A mm tbaliwin!
Iqqen-ikem-id lbaz ukyis
S nnig teɛyunin,
Isem-is inuda leɛrac
Irna timdinin.

Tizlit yarir Yidir.

POURQOUI CETTE PLUIE ?

Tant de pluie tout à coup sur nos fronts,
Sur nos champs, nos maisons:
Un déluge ici, l'orage en cette saison;
Quelle en est la raison ?

Est-ce pour noyer nos parjures
Ou laver nos blessures ?
Est-ce pour des moissons, des terreaux plus fertiles ?
Est-ce pour les détruire ?

Pourquoi cette pluie, pourquoi ?
Est-ce un message, est-ce un cri du ciel ?
J'ai froid mon pays, j'ai froid;
As-tu perdu les rayons de ton soleil ?

Pourquoi cette pluie, pourquoi ?
Est-ce un bienfait, est-ce pour nous punir ?
J'ai froid mon pays, j'ai froid;
Faut-il le fêter ou bien le maudire ?

J'ai cherché dans le livre qui sait
Au creux de ses versets,
J'y ai lu "cherche les réponses à ta question!
Cherche le trait d’union!"

Une mendiante sur mon chemin
"Que fais-tu dans la rue ?"
"Mes fils et mon mari sont partis un matin,
Aucun n'est revenu"

Pourquoi cette pluie, pourquoi
Cette eau, ces nuages qui nous étonnent ?
Elle dit "cette pluie, tu vois!
Ce sont des pleurs pour les yeux des hommes"

"C'est pour vous donner des larmes
Depuis trop longtemps, elles ont séché.
Les hommes n'oublient pas les armes
Quand ils ne savent plus pleurer"

Coule pluie, coule sur nos fronts !

écrit par: Jean-Jacques GOLDMAN.
Chanté par: Idir.

TAMACAHUT

A sidi bab uγanim,
Ay uḥric fhem ḥesses !
Tella tezdayt di sseḥra
Akkenni γezzif yixef-is;
Lbaz iɛac s ufella-s
Tasekkurt deg yiẓuran-is.

Iqqim armi d yiwen wass
Imcawar d warraw-is;
Inṭeq umeqwran degsen
Inna-d deg wawal-is :

Efk-iyi-tt a baba ad tt-čeγ!
Di lebḥer ar neγbu rric-is!

Inna-yas gedha i memmi-s,
Mači d ṣyada n wukyis.
Ad d-alin iɛewwamen,
Ad d-mlilen d rric-is,
Ad yaweḍ lexbar leḍyur:
Lbaz iča taǧart-is.

Inṭeq-d ulemmas degsen
Inna-d deg wawal-is :
Ef k-iyi-tt a baba ad tt-čeγ!
Deg tesraft ar neγbuγ rric-is!
Inna-yas gedha i memmi-s,
Mači d ṣṣyada n wukyis.
Ad yaweḍ lweqt n rrḥa,
Kul wa ad issefqed tasraft-is.
Ad yaweḍ lexbar leḍyur:
Lbaz iča taǧart-is.

Inṭeq-d umecṭuḥ degsen,
Inna-d deg wawal is:
Ef k-iyi-tt a baba ad tt-čeγ!
Ad zwireγ di rric-is!
Inna-yas gedha i memmis,
D tagi d ṣṣyada n wukyis!
W' ičan tasekkurt ar tt-ifak
Isuk talaba f yimi-s;
Ma mmuteγ ǧiγ-d leɛmara:
Baba-k irgel umkan-is.

Iwaliwen n Ben Muḥemmed
Tizlit yarir Yidir.

Ideflawen

Sun, 03 Jun 2007 02:20:00 +0200

IDEFLAWEN

Tettwassker tseḍma IDEFLAWEN g useggwas n 1977 ; isbedda-t Leḥsen ZEYYANI ittebbin iwaliwen d Σli AYT FERḤAT igan amessudes d Zahir illan d amessagu.
Iddeγ iẓleg uwanek adzayri d ukabar-nnes abaylal tudert tasertant tadelsant, tnada tseḍma IDEFLAWEN allig tufa tizzit g tesselkam izen-nnes : Iγaramen isdawanen !
Ssafγen-d IDEFLAWEN tasfift-nnsen tamezwarut g useggwas n 1983, azwel-nnes Mḥend. Ssawint tezlatin-nnsen γef tlelli d timmuzγa d yizalen n Umussu Adelsan Amaziγ.
Mecta ayd utan wulawen iffuden tilelli nitni d wanyaten n tezlatin zund : WIWI MESYU, AY IMEΓBAN, AǦET-IYI ABRID neγ TULLAS.
S umdaz as da yawen-nn-tesnili teγlamt Asekka.net yitsen yiḍrisen ariren IDEFLAWEN yaru-ten umedyaz amaziγ Leḥsen ZEYYANI.
Taγuri iγudan !

IDEFLAWEN

Le groupe IDEFLAWEN a été constitué en 1977 par Lahcen ZIANI le parolier, Ali AIT FERHAT le compositeur et Zahir l’instrumentaliste.
Comme l’Etat algérien et son parti unique bloquaient la vie politique et culturelle, le groupe IDEFLAWEN a trouvé une issue favorisant la transmission du message : Les campus universitaires.
La première cassette d’IDEFLAWEN est sortie en 1983, l'album est intitulé M'hend. Leurs chansons traitaient la liberté, l’amazighité et les valeurs du Mouvement Culturel Amazigh.
Des chansons comme Oui, Oui Monsieur, Ay imeghban, Adjet-iyi abrid et Tullas ont fait vibrer les coeurs assoiffés de liberté.
L’équipe Asekka.net a le plaisir de vous présenter quelques textes chantés par le groupe et de la plume du poète amazigh Lahcen ZIANI.
Bonne lecture !

IMEΓBAN

Ay imeγban innumen
Innumen ṣṣber d tuggdi,
Ttetten g ufus n medden
Ayen i d-ḥellan s tidi.
Tidi tenjer d igeḍman,
Iṭṭef-iten ufus anekkaṛ,
Afus nni ten-irran
D igujilen s icumar.

Ay igujilen g yiles!
A tagmat izamaren!
Win yusan ard a ten-illas,
S uṣemmiḍ kan i ḥulfan.
Rray mači d ayla-nnsen,
Ayagi d ayel' umeksa;
Nutni dacu ttalasen
Siwa leḥcic ma illa.

Igellil igellilen
D win fi teḍṣa tili-s;
Tettmer γer wanda ttɛeffan
Widak isqaḍen amur-is.
Agujil igujilen
D w' ittuten ar yiles,
Tiyita nni t-issawḍen
Ar tidderγelt ur nettekkes.

Tizlit n Σli IDEFLAWEN

WIWI MESYU

Aṛumi iluɛa laγa,
Wiwi mesyu!
Ad tilim akken nebγa!
Aten-a leɛqud stenyit!
Ifriqya taṛumit !
Wiwi mesyu !
Wiwi mesyu mirsi !
Wiwi mesyu !
Aṛumi iluɛa lqayed,
Ayetmak a ten-nqeyyed!
Ad ten-nawi γer leḥbus,
Ma d keč a k-nern' abeṛnus!
Aṛumi iluɛa lɛeqqwal,
D imeksawen icban lmal,
Stenyit s ifassen-nnwen!
Tamurt-agi mači nnwen!
Wiwi mesyu mirsi!
Wiwi mesyu!
Aṛumi iluɛa ccambiṭ,
Wiwi mesyu!
D abeṛnus kuber telsiḍ-t!
Zenz-aγ-id akw ayetmak !
Ma d keč lxir-a iɛumma-k !
Aṛumi i leflani,
Non! Non mesyu!
Ekker-d a tedduḍ yidi !
Non! Non mesyu!
Ledzayer a teqqwel ar tarwa-s,
Ay Aṛumi a k-ič rṣaṣ,
D axeṣṣar bniγ fellas,
D wa i d abrid-iw!
Leflan iluɛa amnaḍel,
Anɛam sidi!
Sers allen-ik zat i lbaṭel
Anɛam sidi!
Tamaziγt-ik a tt-nemḍel
Ma d keč ul-ik idderγel!
Anɛam sidi! Cukran!
Ṣaḥit a sidi!
Leflan iluɛa lqisma
Anɛam sidi!
Yissek nettagwad lḥikma,
Anɛam sidi!
D aqjun, d amcic merki-t-id!
Win k-iɛuṣan siweḍ-it-id!
Irbeḥ, irbeḥ sidi!
Cukran sidi!
Leflan iluɛa lqelqal,
Iwwi-d inigan d iγwyal
Stenyit s iḍarren-nnwen,
Taɛrabt ay d lluγa-nnwen!
Leflan inn' i ssandika ,
Leḥkwem fellak i ittekka,
Akken a k-nernu di ssuma
Err i uxeddam tabarda!
Leflan iluɛ' Amaziγ
Kker a tedduḍ yidi nsiγ!
Ikker Umaziγ inna-yas:
Anda nsiγ ad yali wass,
Ledzayer a tefju fellas
S ubrid n lehna!
Fiḥel n rṣaṣ! Fiḥel!
S ubrid n lehna.

Tizlit n Σli IDEFLAWEN.

MA TECFAM?

Cḥal d ameγbun ittrun
I wakken ad ddren wiyiḍ !
Cḥal d agujil ittrun
D tujjal ihban abrid !
I iḍran ! Ar a iḍrun !
I iɛeddan ! I irennun !
Cfut ayetma, cfut!
Γurwat w' ittettun!
Ma tecfam ay ayetma
F idurar mi uγwasen?
Asmi nekker γ lheḍra
Semman-aγ imessasen.
F udem Ledzayer uzekka
I nekcem leḥbus ḥeṛsen.
Ma tecfam ay imdukkal
F idurar istewḥacen?
Asmi nekker γer cwal
Sawalen-aγ ay uccanen.
F udem Ledzayer i nuγal
Nettett' aγrum s idammen.
Cfut kan ay ayetma
Γurwut wi γ-isganayen !
Ass-a nekker-d γ lxedma
Sawalen-aγ imsedramen.
Lmut, mazal lmuta
Af Ledzayer ittwawḍen,
F Ledzayer ittwawḍen
Lmut, mazal lmuta.

Tizlit n Σli IDEFLAWEN

AREZQI LBACIR

Iγaḍ-i Urezqi Lbacir
Di teẓgi ddaw usisnu,
Iluɛa-t-id urfiq-is:
"A xali, kker a nejbu!"
"Xalik igzem uḍar-is,
Ma lliγ-ak deg wul γas ru!"
Keč ay Arezqi Lbacir
Ay abazin n ubɛuq,
Ittnusun deg lexlawi,
Iqḍeɛ i lqeyyad ssuq,
Iγaḍ-i lɛerc Aγwebri
Issuli-yas llazuq.
Ifassen-iw gren di lqid,
Udem-iw yuγal am uyeddid,
Iḍarren-iw deg Qaṭerma
Qsenṭin' a tt-nessikid,
Amzun ayyur n lɛid,
Γef yiγef-iw tewta lmeḥna.

Tizlit n Σli IDEFLAWEN.

AǦET-I ABRID!

Ur tufim dac' i d-cniγ
Ala tazmert iγallen,
Ur tufim dac' i d-wwiγ
Al ifassen-iw d ilmawen,
Ur tufim dac' i ttnadiγ
Ala tafat i wallen.
Aǧet-i abrid ad ɛeddiγ!
Iwum' ar i-tugadem?
Ifassen ur kkaten ara
Ala tira i wumi laqen,
Iḍaren ur reggwlen ara
Lameɛna, ibeddi zemren,
Iyi-tseqsam, aqel-i da
Ayi kkateγ garawen.
Aǧet-i abrid ad ɛeddiγ!
Iwum' ar i-tugadem?
Ayen akwit tettugadem
Ataya deg qerru-iw,
Ma sɛiγ kra igezzem
Ata deg yiγef n yiles-iw,
Maci d nek ara tḥebsem
Ruḥet a teṭṭfem lehḍur-iw!
Aǧet-i abrid ad ɛeddiγ!
Iwum' ar i-tugadem?

Tizlit n Σli IDEFLAWEN

Sliman ΣAZEM

Sun, 03 Jun 2007 02:20:00 +0200

ATAQBAYLIT A TIGEJDIT !

A taqbaylit, a tigejdit !
A tin γef ibna uxxam;
Ṣṣbaḥ, tameddit,
Argaz weṣṣi-t!
In’ as ad iddu s lewqam !

D kemmini i d tigejdit
F tebna ddunit;
Γurem akw i d-cudden isulas,
Γurem i d-tsenned tkufit
D ucbayli n zzit;
D kemmin i d aɛessas
Ma illa rray-im d iri-t
Ur treṣṣ’ ara tgejdit ,
Kulci ad irab ar llsas.

Kulyum weṣṣi argaz-im,
Yess-im d warraw-im!
Mel-asen iberdan ilhan!
Jerreb kan deg yiman-im!
Akken illa uxxam-im
I llan ula d ljiran.
Kkes tismin seg wul-im !
Lhi-d kan d ccγwel-im !
Ad tilim akw di laman !

Weṣṣi-ten yiwen yiwen!
Melmi ttun fekker-iten!
Mel-asen ṣṣwab d lmeɛqul!
D acu d lfayda n yiɛdawen
Bexlaf imeṭṭawen?
Lxuf d lehlak n wul,
Akken nella d imdamen.
Yak Rebbi-nneγ akw yiwen,
Mkul taswaɛt aγ-d-ittmuqul!

Tixer i ẓẓur akw d lmenkwer,
Lebγeḍ akw d lekwfer!
Beɛd si mkul lebliyya!
Ur ttqezzib ur ḥeqqer!
Mkul wa efk-as leqder!
Ilha lxir akw d nniyya.
Ma illa terniḍ ṣṣber
Ad yilli fellam sser
Anga teddiḍ d lɛafya.

Iwaliwen d tezlit n Sliman ΣAZEM.

NEṬṬEF-D TAQERNIT...

Bunadem m’ ifat meqqwer,
Temẓi-s m’ ad tt-id-ifekker,
Ad ittwali lexyalat.

Akken ibγa iγzif leɛmer,
D ayen ibanen iḍher,
Iruḥ lweqt-is iǧa-t...

Si zik neṭṭef-d taqernit,
S nnif akw d tfenṭazit,
Seg wul zeddigen amm aman.

Ayen i daγ-d-teǧa tnaṣlit,
S wayen i nezmer nqesḍ-it,
Nettseggim-as iberdan.

W’ illan d lfahem ifehm-it,
Seg wasmi tebda ddunit,
Kulci ijebbed s iẓuran...

Lḥeq d ṣṣwab neqqar-it,
Ma d lbaṭel nkerh-it,
Lwaldin, akka i γ-weṣṣan.

Nessefruy γef ddunit,
Nettfekkir-d tajaddit,
Akw d wayen i γ-d-ǧan.

Nettγenni s teqbaylit,
Kul awal newzen-it,
S lemtul d lmeɛnat ilhan...

.... llsas neswejd-it,
Armi d ṣṣeḥ neṣṣaweḍ-it,
Nesḍehr-ed dges iẓuran.

Ayen i nessaweḍ nexdem-it,
Leɛtab illan neqbel-it,
A nkemmel akka kra n wussan.

Ma teqdef-aneγ-d ddunit,
Iḍher mazal taṣebḥit,
I ljil mazal d ameẓyan...

Bunadem m’ ifat meqqwer,
Temẓi-s m’ a tt-id-ifekker,
Ad ittwali lexyalat.

Akken ibγa iγzif leɛmer,
d ayen ibanen iḍher,
Iruḥ lɛeql-is iǧa-t...

Iwaliwen n Sliman ΣAZEM.

CEGGΣEN-AΓ-D LKAΓEḌ.

Ceggɛen-aγ-d lkaγeḍ,
Γriγ-t-id m’ akken i d-iwweḍ,
Ḥess-as-d acu i d-iqqar!

La iqqar tura meqqwreḍ,
Berka, d ayen tessawḍeḍ,
Ccib deg yixef-ik iḍher.

Mi iruḥ yiwen, ad d-yas wayeḍ,
Ma illa telliḍ zeddigeḍ,
Zzman a k-id-ifekker.

Wissen ma ad yili lemtel-ik ,
Izemren ad iṭṭef amkan-ik,
Ad ixdem s wul-is ?

Keč tesɛeddaḍ ussan-ik,
Tettɛettibeḍ tarwiḥt-ik,
Teǧiḍ lebni si llsas-is!

Xas ad zuxen s yisem-ik,
Lheḍra n tmurt-ik,
I d-teǧiḍ tesɛa amkan-is.

Ass-a, bqaɛlaxir a nruḥ!
Meqqwrit…
Rebbi iẓra-d ulawen.

Lliγ d aqcic d amectuḥ,
Bennuγ kan ciṭuḥ ciṭuḥ,
Ssawḍeγ lebni d asawen.

Leγwna-nneγ ɛzizen amm rruḥ,
Nessuli-tt, tewweḍ…
Almi ttasmen yiɛdawen.

Asm’ akken nebda leγwna,
Nekwni d acu i d-nmenna ?
Ad neǧ laṭer ar deffir!

S teqbaylit i nenna,
Γur rebbi i nɛenna,
Ṣṣut idurar ad yifrir!

Ma d ass-agi, ṣṣeḥḥa d lehna,
Aqel-aγ newwi yides ccna,
Di tegnaw ay tettferfir.

Kul yiwen...,
Amm Sliman Σazem,
Amm netta ur d-ttlalen ara!

W’ islan i ṣṣut-is iwhem,
Menwala a s-ifhem,
D yiwen seg mezwura.

Ay arrac a γ-tɛahdem,
Neǧa-yawen, m’ a tkemmlem,
Amzun ur nettγab-ara.

Daγen Ccix Lḥesnawi,
Illa d aqdim d ahwawi,
I d-teǧiḍ a Σemrawa!

Tazwayt m’ a tt-id-yawi,
S leγwna-nni ur neṛwi,
I win ixaqen d ddwa.

Rebbi…
Ad iɛfu i Ubjawi,
I Ccix Ẓerruqi Σellawa!

Mazal ad ṭṭaharen,
Tura wigad meẓẓiyen,
Ar’ ikemmlen ljerra.

Fiḥel ad nini ismawen,
Lketra degsen ttwassnen,
I widen i d-iǧa Jrejra.

Mači sin, mači yiwen,
M’ara bdun ad ttcewwiqen,
Amm yifrax γef ttejra…

Iwaliwen n Sliman ΣAZEM.

ANWA A YI-D-ISSEFRUN TARGIT?

Akken tt-id-yura "winna":

Wa ad aγ-d-ssefrun targit?
M’akken i tḥerrek ddunit,
Tettberriq, lehwa tekkat.

Zun di lemɛineṣra zzit
Illan s nnig tmazirt
I d-nnejmaɛen at taddart.

Nnan-as akw d timlilit
Ma ar aγ-d-teḍher tṣebḥit,
a nruḥ a nefser tazart .

Mi d-γran yiwen n lḥadit
Γef leɛwayed-nni tjaddit
fell-asen ay imeǧazan !

Win ibγan tazart akw d zzit
iruḥ izreɛ tamazirt
D-ǧan lejdud d imawlan.

Win isɛan aḥriq ifers-it
Ma illa iẓerreb inqec-it
Ad d-yawi lxir d ameqran .

Ḥkan-d γef wid d-icfan
Widen izerɛen ẓẓan
i dderya akken ad tγellet.

Γef idurar ay bnan,
Ǧan-d llsas iṣeḥḥan,
Γursen lheḍra yiwet .

Wid-nni tura ɛeddan,
Ma d ayen γef i d-weṣṣan
Ǧan-aγ-t-id a t-newret.

Akka i d-nufa tajaddit
Seg wasmi tebda ddunit
I illa ttarix-nneγ.

D taqbaylit neγ d tacawit
Isem-is lluγa tmazirt
A tt-nesγser d lwajeb-nneγ.

Ma d win i tt-yugin nugi-t
S nnif akw d tfenṭazit
Issin-iyi a k-issineγ !

Steqsi at taddart-ik
Ad ak-d-inin γef ass-ik!
Amek qqaren imγaren.

Ma illa tceɛleḍ allen-ik
Ad iɛeddi wawal-ik,
Medden a k-ttqaḍaren.

Ad ak-d-iḍher lḥeq-ik
Ma illa tḥerzeḍ laṣel-ik
Ulac wa a k-inekṛen.

Iwaliwen n Sliman ΣAZEM.

AḤBIB N WUL-IW.

Aḥbib n wul-iw iruḥ,
Ixdeɛ-iyi nebla ssebba,
Iǧa-d ul-iw d amejruḥ,
D amuḍin, ulac ddwa...

Aḥbib n wul-iw iruḥ,
Ittu i s-xedmeγ lxir,
S lḥir i yufeg amm ufrux,
Isellem-iyi, itbeɛ lγir,
Iǧa-d ul-iw d amejruḥ,
Ma d tasa-w la tettferfir...

Iǧa-yi-d weḥdi ttruγ,
Iggumma ad iṣber wul-iw,
Ur ẓriγ anda ttedduγ,
Iɛreq-iyi ula d ccγwel-iw,
Lexyal-is mači a t-ttuγ,
Yugi ad ikkes ger wallen-iw...

Kull ass nekk ttruγ fellas,
Ma d netta izha wul-is,
Aqel-i amm win ittewten s rrṣaṣ,
Ma sliγ wi d-yuddren isem-is,
Yiw wass felli d aseggwas,
Ttrajuγ di lexbar-is...

Iwaliwen n Sliman ΣAZEM

LUNIS AYT MANGELLAT

Sun, 03 Jun 2007 02:10:00 +0200
LUNIS AYT MANGELLAT

Isem-nnes n tidet Σebdennbi Ayt Mangellat, ar as-qqaren medden s LUNIS. Ilula ass n 17 g yanayer 1957 g teγremt n Yiγil Bwammas g tama tamajgalt n Tmurt n Yigawawen, agafa n Dzayer.
Ittwassen is iga amarir, maca ur da ittdeggi taγuri-ddeγ, isyaf-as tin bab n wawal.
Ilkem-nn umedyaz-ddeγ amaziγ ameqwran azi tizi tamafellawt g taẓit s yiḍrisen-nnes zund ASKUTI neγ A MMI neγ NEKWNI S WARRAC N LEDZAYER.
Iddeγ issawed umussu n Ayt Mangellat adabu n Dzayer, inker irdu-t s tayli n yimrigen g tgemmi-nnes. Ittyawey umedyaz s akurmu, ittwet s kraḍ n yiseggwasen n unkurref. Akud-nnaγ ayd illa ummenkar aγerfan amaziγ mgal n uyennaγ n ddaw tiwti ; izdey uγuyyi allig ittwaddref Lunis imeẓẓwi.
S kramraw d kraḍ n yiseggwasen n twuri d tmiḍi d kramrawt n tezlatin, da isugun Lunis AYT MANGELLAT tamust tamaziγt g Tmurt n Yigawawen.
Ur nettettu adlis Aït Menguellet chante tseẓreg Tseɛdit YASIN g d-tessafeγ kigan seg yiḍrisen n Ayt Mangellat tsuγel-ten s tefransist.
Tefren-awen-d, daddeγ, teγlamt asekka.net yitsent tmedyazin.
Taγuri iγudan !

Lounis AIT MENGUELLET

Son vrai nom est Abdennbi Aït Menguellet, il est connu par Lounis né le 17-01-1957 au village Ighil Bwammas en Haute Kabylie, au Nord de l’Algérie.
Qualifié de chanteur, il n’accepte pas cette nomination à laquelle il préfère le parolier.
Avec des textes comme Askuti, A mmi et Nekwni s warrac n Ledzayer, ce grand poète amazigh contemporain a atteint le sommet de la contestation. Le pouvoir algérien, sentant le danger et le dérangement, l’accuse de détention d’armes. Lounis, arrêté et soumis à une peine de trois ans de prison. La mobilisation populaire amazighe contre ce coup bas ne cessa qu’après la libération de Lounis le populaire.
Avec ses 33 ans de carrière et ses 130 chansons, Lounis AIT MENGUELLET incarne l’identité amazighe en Kabylie.
Nous n’oublierons, ici, d’évoquer le livre Aït Menguellet chante publié par Tassadit YACINE, livre contenant beaucoup de textes du poète en amazigh avec leur traduction en français.
L’équipe Asekka.net vous a choisi quelques textes.
Bonne lecture!

AMACAHU

Amkan yuγal
D lḥebs i wumi rran uzzal,
Medlent fellaγ tewwura,
Ma d-nsawal,
Qqaren-aγ, ma daγ-d-rren awal:
« Susmet skud i nella !»

Amacahu,
Γef temgerṭ ma ires lmus,
I tidet ma d-teffeγ imi ?
Amachu,
Γef win ifkan aqerru-s,
Ur steqsan medden acimi…

Fkan afus,
Widak si numen iḍelli,
Weṣṣan si zik,
Γef temɛict n ddaw uḍar
Akken aneggaru ad irr ṭṭaṛ,

kra i daγ-nnan,
Ula d abrid i γ-mlen,
Wissen sani i ittawi ?
Nnejmaɛen, kfan,
Γef iqerra-nneγ i tt-fran,
Nutni ẓran, nekwni ur neẓri,

Amacahu,
S ccac ma daγ-medlen allen,
Irna qqaren i medden: «Ttwalin…»
Amacahu,
Nettwali kan ay d-qqaren,
Nettruḥu kan sanda a γ-awin,

Yiw wass wissen,
Tadukli ar a d-isteqsin,
Weṣṣan si zik,
Γef temɛict n ddaw uḍar,
Akken aneggaru a d-irr ṭṭaṛ,

Tura nekfa,
Nettara-tt ala i tmucuha,
Nḥekku γef in i d-iǧan isem-is,
Zik amek illa ?
Qqaren-as d mmis n tsedda,
Ur iɛfis ḥed f uḍar-is,

Amacahu,
Adrar asmi d-irra ṣṣut,
Lhiba-s tewweḍ-d s arraw-is,
Amacahu,
S yidmaren i ttqabalen lmut,
Sɛerqen i uɛdaw laṭer-is,

I tneggarut,
Amek ara ifru ssuq-is ?
Weṣṣan si zik,
Γef temɛict n ddaw uḍar,
Akken aneggaru ad irr ṭṭaṛ...

Iwaliwen n Lunis AYT MANGELLAT.

SANI A NRUḤ ?

Yuli-d wagu f Temguṭ
Akken i d-yuli deg wulawen,
Lɛebd akken ibγu teẓẓuḍ-t,
Iga aẓar, iger afriwen,
Lexyal n tmurt ma tettuḍ-t,
Di tnafa ad d-iẓur allen,
Kkert a teddum a nruḥ!

Yuli-d wagu γef Tleṭṭaṭ,
Amzun yuli-d di lemnam,
Amγar i izwin tacḍaṭ,
Ikker a itteddu s axxam,
Kull ass ittraǧu-t wabaṭ,
D arraw-is i issaram,
Kkert a teddum a nruḥ!

Argaz ma txuṣṣ-it tidet
Ula i das-d-ixdem limin,
Aɛeqqa igan tirect,
D lmal i wumi t-ttawin;
Lbaz ma ixuṣṣ-it udrar,
Afrux kan ad as-semmin,
Kkert a teddum a nruḥ!

Si zik nettruḥu,
Anda nebγa neddu,
Ger tmurt ara nejbu,
Asm’ ara iḍaq rruḥ
Dayen i nesɛa d ayla-nneγ,
Sani tebγam a nruḥ ?

Anta tameslayt
Ur tenṭiqem ara ?
Amkan di ddunit,
Deg ur teɛfisem ara ?
Asm’ ara d-taweḍ tizi,
Lγerba am yiḍes,
Adrar-nni ad isteqsi,
Ad tezzim γures.

Si zik nettruḥu,
Anda nebγa neddu,
Ger tmurt ara nejbu,
Asm’ ara iḍaq rruḥ
Dayen i nesɛa d ayla-nneγ,
Sani tebγam a nruḥ ?

Tγerrbem, tcerrqem,
Di lberr, di lebḥer,
Tezham, tɛettbem,
Rrbeḥ akw d ccer,
Win i wumi rẓen wafriwen,
Ẓẓehr-is ixṣer;
Iẓra sani ara ibren,
Adrar a t-iṣer.

Si zik nettruḥu,
Anda nebγa neddu,
Ger tmurt ara nejbu,
Asm’ ara iḍaq rruḥ
Dayen i nesɛa d ayla-nneγ,
Sani tebγam a nruḥ ?

Mkul igenni,
Iẓra-kwen tɛeddam,
Wissen ma ad yili
Umkan i teǧam!
Asm’ a d-taweḍ tizi,
Teṛwam neγ teɛyam,
Lḥerz-nni ad isteqsi,
Ad tezzim s axxam.

Si zik nettruḥu,
Anda nebγa neddu,
Ger tmurt ara nejbu,
Asm’ ara iḍaq rruḥ
Dayen i nesɛa d ayla-nneγ,
Sani tebγam a nruḥ ?

Ccfaya n temẓi,
Teǧam-tt truḥem,
Tinna i d tilelli
Ara kwen-id-irren,
Asm’ a d-tezzim s axxam,
Tewwḍem d imγaren,
Ad teḥkum ayen teẓram
I wid ay iruḥen!

Si zik nettruḥu,
Anda nebγa neddu,
Ger tmurt ara nejbu,
Asm’ ara iḍaq rruḥ
Dayen i nesɛa d ayla-nneγ,
Sani tebγam a nruḥ ?

Iwaliwen n Lunis AYT MANGELLAT

CΣELT-AΓ TAFAT!

Cɛelt-aγ tafat,
Neffud a nwali,
A nẓer γer zdat,
Amek ar a nili!

Amek ar a nili ?
Sani la nleḥḥu ?
A γ-iẓer yiḍelli,
Nugad a γ-irnu,

Nugad a γ-irnu,
Nesɛa tannumi,
Neggumm a necfu,
Yis-neγ a ittezzi,

Yis-neγ a ittezzi,
Yis-neγ la ttezin,
Aṭas ur necfi,
I wayen ittɛeddin,

Ayen ittɛeddin,
Iruḥ-aγ merra,
Iḍelli d uḥzin,
Ass-a nettaḍṣa,

Ass-a nettaḍṣa,
Ur neẓri acimi,
Neγ ahat nenwa
Nerbeḥ d ayenni ?

Nerbeḥ d ayenni
Acu akken i nerbeḥ ?
Nezmer a nγenni
Nezmer a necḍeḥ

Nezmer a necḍeḥ,
…
Akken kul ṣbaḥ,
Ad aγ-d–ttafen,
D nekwni d ssebba,
Di lmux n wuccen,
I ittili ddwa,

I ittilli ddwa,
I lehlak-nsen,
Si zik i nezga,
D asfel ar γur-sen,

D asfel ar γur-sen,
Ur zmiren-ara,
Ar daγ-ttixren,
Fell-aγ i tebna,

Fell-aγ i tebna,
Akka i la heḍḍren,
Nnan-d ussan-a,
Ad d-ilal yiwen,

Ad d-ilal yiwen,
Neγ ad d-lalen sin,
Ad d-nas gar-asen,
Anwa ad aγ-yawin ?

Anwa ad aγ-yawin ?
Sani ad aγ-yawi ?
A nenṭeḍ kan din,
Waqila terwi...

Waqila terwi,
Neγ a tṣeggem ahat,
Nekwni nettnadi.
Cɛelt-aγ tafat!

Cɛelt-aγ tafat,
Neffud a nwali,
A nẓer γer zdat,
Amek ar a nili!

Amek ar a nili?
Ad d-ilal yiseγ,
Neγ mazal nefri
I tidak-nneγ?

I tidak-nneγ,
Wa yifi-t wayeḍ,
Sges ma neffeγ,
Ahat a naweḍ...

Ahat a naweḍ,
S ayen i nettmenni,
Abrid ad inneḍ,
Iṣɛeb i tikli,

Iṣɛeb i tikli,
Tidet a tt-id-nehḍer,
Ul-nneγ meẓẓi,
Lebγi-nneγ meqqwer,

Cɛelt-aγ tafat,
Neffud a nwali,
A nẓer γer zdat,
Amek ar a nili!

Tennam-d tbeddel,
D acu akka ay ibeddlen ?
Anwa akka iγlin ?
Anwa akka ibedden ?

Anwa akka ibedden ?
Yak d leflani,
Winna iggullen
Di tmaziγt-nni!

A tamaziγt-nni,
Iggull a tt-tettum,
Ass-a d ayenni,
Isteɛfa umcum.

Isteɛfa umcum,
Leḥbas akw ferγen,
Limmer ad rfun,
Daγen ad čaren.

Daγen ad čaren,
Wa ikkes lqid,
Neγ irka dayen,
A ttnadin ajdid,

A ttnadin ajdid,
Is ar aγ-ṭṭfen,
Mazal kan iwǧid,
Simmal ad ṣeggmen.

Cɛelt-aγ tafat,
Neffud a nwali,
A nẓer γer zdat,
Amek ar a nili!

D acu a γ-d-seggmen ?
Ad xiḍen akustim,
Ad aγ-t-sselsen,
Di tesga a neqim,

Di tesga a neqim,
Acḥal a necbeḥ!
Aγ-rnun afzim,
I wakken a nefreḥ.

Cɛelt-aγ tafat,
Neffud a nwali,
A nẓer γer zdat,
Amek ar a nili!

A wid ifaqen,
Iggwra-d yiwen ulqaf:
D idles γlayen,
Di ṭṭiq i t-nettaf.

Di ṭṭiq i t-nettaf,
Ḥadret wa t-irren,
Neγ ger iγuraf,
Akken ad aγ-t-rẓen.

Idles γlayen,
Γurwet a nettu,
Yiwen ur t-irehhen,
Yiwen ur t-iznuzu!

Cɛelt-aγ tafat,
Neffud a nwali,
A nẓer γer zdat,
Amek ar a nili!

Iwaliwen n Lunis AYT MANGELLAT.

TAGMAT

Anida-ten ? nettnadi-ten,
A nessawal neḥwaǧ-iten,
Nger-d tiγri,
Anda akw llan ad as-slen,
Mi d-tewweḍ tizi n ṭṭiq,
Anda llan ad d-ssiwḍen,
Tiγri n tegmat ar das-nsel,
Di mkul amkan i deg a nili,
A nesseγres yakw snasel,
Ad ncerreg lebḥer d igenni,
Aẓar illa yid-neγ d arfiq,
Ṭṭfet tissas, lembat γur-wen !
Mi d-tewweḍ tizi n ṭṭiq,
Aqel-aγ γer yidis-nwen.

Ay ass-a aseɛdi, ay ass-a,
Ulac i icban ass-a…

Nezga nleḥḥu mebla akukru,
Zik neγ tura ur nkennu,
Ansi i d-tekka taluft,
Akken i d-teg a tt-nernu,
Ifka-yaγ-d udrar-nneγ,
Ayen is nerfed aqerru,
Si zik ur illi lxuf deg-neγ,
Mači ass-agi a t-id-nesnulfu,
Yal tiyita tekka sγur-neγ,
Nqubel si yal daɛwessu,
Abeṛṛani isla yis-neγ,
Siwa akw d lhiba i nleḥḥu,
Lhiba n udrar-nneγ,
Iǧa-yaγ-tt-id a tt-nesɛu.

Ay ass-a, aseɛdi, ay ass-a,
Ulac i icban ass-a…

Kul mi ssawḍen γer lebγi-nsen,
Kul mi teḥla tdukkli-nsen,
Ad d-yas kra ay izerɛen,
Taɛdawt gar-asen,
Nettuγal ansi d-nekka,
Nḥulfa s tegmat tuḍen,
… lhem ikfa,
Wayeḍ ad d-ilal anda nniḍen,
Yir tamuγli fell-aγ tezga,
Akka i d-nnan wid d-issawḍen,
Xas ass-agi mazal tella,
A nsebded widak iccḍen,
I wayen i iɛeddan necfa,
A ndawi tagmat yuḍnen.

Ay ass-a, aseɛdi, ay ass-a,
Ulac i icban ass-a…

Nella nuḍen, neḥla yis-wen,
Nefreḥ nerna s tdukkli-nwen,
Imi neẓra nerẓa daɛwessu,
I daγ-iwten,
Mi tɛedda tizi n ṭṭiq,
A ndawi tagmat yuḍnen,
Mi tt-id-nemger, wiyeḍ wwin,
Nettwakellex si zik neẓra-t,
S tegmat kra n wayen imγin,
Ma d lqella n tegmat tenγet,
Ass-a, tagmat ur tettceqqiq,
Imi neẓra ayen i daγ-yuγen,
Mi tɛedda tizi n ṭṭiq,
A ndawi tagmat yuḍnen.

Ay ass-a, aseɛdi, ay ass-a,
Ulac i icban ass-a…

Iwaliwen n Lunis AYT MANGELLAT.